يمكن من اصعب الاشياء اللي ممكن يسويها الشخص هي التعريف بنفسه لأسباب كثير يمكن انه ما يعرف نفسه او يخاف ينزّل من حقه او يرفع بشكل مبالغ، وازعم ان هذي الغاية من الحياة انك تسعى مع نفسك انك تعرفها وتعرّفها وتعرف وسعها ووش تحب وش ما تحب ونقاط قوتها وضعفها وغيرها.
{لَا يُكَلِّفُ اللَّهُ نَفْسًا إِلَّا وُسْعَهَا … الآية}
البقرة [286]
موسى شاب مسلم ابن واخ وصديق (ويارب زوج) واشياء اخرى.
شغوف بالتقنية واحب اتابع مستجداتها الى وقت قريب ثم خف شغفي تجاهها وانتقل للبشر، احب البشر واحب اتأملهم واعرف دوافعهم، احب اتعامل معهم، و احب اسخر قدراتهم لشي يبدعون فيه.
احب اجرب اي شي وكل شي، احب الاكل، احب الشاهي، احب اربي جميع انواع الحيوانات لكن الى الحين ما صمل معي شي، احب الرياضات بكل اشكالها وانواعها تنس طاولة وخيول وطائرة وغيرها.
مهتم اني اصنع تجارب لا تُنسى
اخر شي، اتمنى قدرت اساعدك في رسم صورة لو بسيطة عني واترقب مصاحبتك. ودومن اهلًا بالاصحاب